متفرقات

حوار الطرشان

بقلم الشاعر مارون داغر-سدني-
ايّا حوار بينفع الطرشان
ومين ال بيتبع حكمة سليمان
ايّا جوار بيلحقو للحلّ
ايّا ثمار بيحملو الاغصان

شرّف التركي عا وطنّا وفَلّ
والحّل انحس من بني عثمان
زاد التوسّع بالوطن تا اختلّ
فيه التوازن من وضع تعبان

وساعة ما غورو وسّعو ما حلّ
تا عدّل الاوزان بالميزان
لكن بَعد غورو المشكل ضلْ
قايم ما بين فلان ضد فلان

واحد رَفَض ينهان او ينذّل
وواحد ما فيه ينام ان ما نهان
وكلّما شي موفد عا وطنّا طَلْ
منعمل الو استقبال استهجان

ولو كان بدل الشهد حامل خلْ
منشرب الخلْ وقلبنا فرحان
ما في حدا من وضعنا ما مَلْ
وياما علينا تضحكّو البلدان

ورادو عا بعض سيوفنا تنسَلْ
عميان كنّا وبعدنا عميان
منهجم عا بعض منقتل منحتلْ
وعا هيك حكم وهيك مسؤولين
الله يعينك يا شعب لبنان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى